الموقع العربى
 Home  |  JusticeDiwan®   |  eBook   |  eDocument   |  eLearning   |  eResearch  
  JusticeDiwan®  
  eBook  
  eDocument  
  eLearning  
  eResearch  

تنمية بشرية
تنمية بشرية

 

جبر الخاطر (منقول)

الدكتور حُسام موافي
.. من أشهر دكاترة الباطنة في مصر والوطن العربي...
كان كل لما يروح حفلة أو يستضيفوه في برنامج يحكي موقف حصله...
بيقول أنه في مَره إتصل عليه الشيخ الشعراوي رحمه الله بيحجز عنده علشان يروحله العيادة ويكشف....
الدكتور حُسام اتكسف منه وقاله: لا والله يامولانا أنا اللي هاجيلك لحد بيتك ..
وبالفعل راح للشيخ ..
الدكتور حسام كشف على الشيخ و اطمن على صحته...
بعد الكشف سأله الدكتور حسام:
"ايه يامولانا أفضل عبادة أعملها تقربني من ربنا سُبحانه وتعالي، خصوصًا إني في أواخر عُمري؟"
الشيخ قاله: خَمن أنت يا دكتور حُسام ايه أفضل عبادة ؟!!
الدكتور حُسام قاله: الصلاة؟
الشيخ قاله لا ..
قاله طيب الصيام؟ قاله لا ..
قاله العُمرة ؟ قاله لا...
ورد الشيخ عليه وقاله أفضل عبادة هي:
"جبر الخاطر"
قاله ازاي ده يامولانا؟!!
دليلك ايه ع الكلام دا يا مولانا؟
فرد عليه الشيخ وقال له:
"من ألعن من الذي يكذب بالدين؟!"
يعني من ألعن من شخص بيقول مفيش ربنا ولا في رسول والعياذ بالله؟
قاله فعلا يامولانا مافيش اصعب من كدا !!
رد الشيخ وقاله ربنا بيقول : أرأيت الذي يُكذب بالدين ؟!
شايف اللي بيكذب بالدين بيعمل ايه؟
"فذلك الذي يدُع اليتيم" يعني بيكسر خاطر اليتيم ..
ولا يحُض على طعام المسكين"
يعني بيطرد المساكين ومبيأكلهمش ومبيجبرش خاطرهم !
تالت حاجه ايه بقي؟
قال:
"فويل للمصلين"
اذا تالت حاجة قالها الصلاة ! ..
يعني أول حاجتين ربنا ذكرهم هما:
جبر الخاطر والتالتة الصلاة ! ..
الدكتور حُسام بيقول خدت النصيحة بتاعت الشيخ في بالي و اتوكلت على الله روحت...
تاني يوم كان اجازتي .. وفي هذا اليوم أنا متعود أنزل يوم اجازتي اشتري شوية حاجات لمراتي.... الخُضار واللحمة والذي منه....
وبيته في ٦ أكتوبر وهو كان بيشتري الحاجات من وسط البلد....
وهو مروح افتكر مكالمة تليفون كانت جياله من جاره بيقوله:
"جبر خاطر يا دكتور ابقى عدي علي حماتي راقده عندك في المستشفي مريضة .. اطمن عليها وطمنا"
قال افتكرت نصيحة الشيخ "اجبر خاطرًا " !
وجاري قالي جبر خاطر....
فحسيت انها رسالة من ربنا ومبعوتالي!
بالفعل قررت أعدي على المستشفي اللي بيشتغل فيها علشان أجبر خاطر جاري ورحت لحماته في المستشفي...
فجأة جالي وجع شديد في صدري و أنا في المُستشفى وأخذت الدوا بعدها بدقيقتن لأني عرفت إن جالي جلطة في شُريان القلب، فندهت ع الدكتور قولتله اديلي دوا كذا .. وفورًا اداني الدوا ..
الجلطة دي لو كانت جاتلي و أنا بعيد عن المُستشفي أو روحت وطنشت جاري كنت موت فورًا لأن أقوى إنسان في الدُنيا لو جاتله جلطة في الشريان التاجي هيموت بعدها ب ٥ دقايق لو مخدش الدُعامة!
فسُبحان الله وكأن ربنا بيقولي جبرت بخاطر جارك وخدت بالنصيحة .. جبرت انا بخاطرك وانقذت حياتك ! :))
- العبادات عامله زي الابواب " الصلاه باب .. الصيام باب .. جبر الخواطر باب ..
خلي باب مفتوح بينك وبين ربنا .. متعرفش هتدخل من انهي باب الجنه ..
حتة السمكه اللي بتحدفها لقُطه ممكن تكون سبب دخولك الجنه ..
متقفلش كُل الأبواب...
علماء المُسلمين بيقولوا " من سار بين الناس جابرا للخواطر أدركه الله فى جوف المخاطر! "
قلقان من امتحان ؟ اجبر بخاطر حد ..
خايف من بُكره ؟ اجبر خاطر ..
نفسك ربنا يحققلك شيء معين ايًا كان ف نظر الناس مُستحيل اجبر بخاطر حد ..
ربنا بيستحي من عبده انه يجبر بخاطر عبادة وميجبرش ربنا بخاطره ! ..
ربنا متعبدش بحاجه أفضل من جبر الخواطر ..
اللي مبيتغطاش كويس بيصحي الصُبح عنده برد .. اتغطي بجدعنتك و انسانيتك هتلاقي ربنا يكفيك شر المستخبي .. النبي علشان كَشر في وش اعمى ومش قاصد ! ربنا عاتبه في القُران ..
دا أعمى يارب ؟ ولو أعمى بس إنسان !
ست عجوزه كانت عاوزه تصلي ورا النبي .. ومش قادرة تمشي ..
راحلها بيتها هو والخادم بتاعه وصلى بيها ف بيتها ! ..
والله الدُنيا بحالها ماتسوي قصاد لمعان عيون بنتك او اختك او مراتك وانت جابر بخاطرها ومفرحها ..
اللي بيجبر بخواطر الناس لو راح لربنا مكسور الجناح ربنا مايرجعوش الا وهو طاير !
الامام مالك بن دينار ربنا هداه وتاب عليه عشان اشتري حلاوه لبنتين ايتام وجبر خواطرهم ..
القماشه الحلوه بتفرض نفسها ع السوق .. خلي قماشة قلبك نضيفه و ملهاش زي .. فارض نفسك وسط سوق بشر مليان قلوب مرقعه ! .. ن
اللي مالوش قلب طيب مالهوش رزق كبير !!
أحب أقولك أنك عبد مُميز عند ربنا عشان قريت الكلام دا وهداك تعرفه .. ليه ؟. لأن النبي ﷺ
قال "إن لله أقواماً اختصهم بالنِّعم لمنافع عباده"
وما أجمل أن تنفع الناس بجبر خواطرهم :)) !

 

 

تلخيص لمبادئ الانضباط الذاتي التي وضعها
برايان ترايسي في كتابه

معجزه الانضباط الذاتي

لتحقيق الانضباط في حياتنا والنجاح فيها

1- *الإلتزام بعادة التفكير الواضح . The Discipline of Clear Thinking*
هناك 3 أنواع من الناس ، هؤلاء الذين يفكرون حقاً (قلة من الناس)،وهؤلاء الذين يعتقدون أنهم يفكرون، وأخيراً هناك فئة كبيرة من الناس لا تحبذ التفكير وتفضل الموت على التفكير.
الطريقة الصحيحة للتفكير هي الإسترخاء يومياً لمدة نصف ساعة في مكان هادئ،ثم وضع المشكلة (أو الهدف) على ورقة،ثم بحث جميع جوانب المشكلة وإستعراض الحلول المناسبة.

2- *الإلتزام بعادة وضع الأهداف يومياً Dailly Goal Setting*
إبدأ بسؤال نفسك : ماذا أريد حقيقة من حياتي؟ ما هو الهدف الحقيقي الذي أريد أن أحققه في حياتي؟ ما هي أهدافي التي أسعى لتحقيقها؟
إشتر دفتر وأكتب به عشرة أهداف ،أكتب أهدافك بصيغة المضارع وبطريقة إيجابية وراجعها يومياً ،وكل يوم إنسخ هذه الأهداف خمسة مرات على الأقل،وفكر بوسائل لتحقيقهم.

3- *الإلتزام بعادة إدارة الوقت بفعالية يومياً Dailly Time Managment*
هناك قاعدة تقول (أن كل دقيقة تقضيها في التخطيط توفر عليك عشر دقائق في التنفيذ ) وبالتالي فإنه كلما خططت أكثر كلما إستفدت من وقتك أكثر و حققت إنجازات أكثر.
أكتب قائمة بالمهام التي تنوي عملها في الليلة التي قبلها،إستخدم قاعدة الأولوية في المهام، وقاعدة 80/20 للإستفادة القصوى من وقتك،إن نجاحك في إدارة وقتك سوف تؤثر إيجابياً على كل أعمالك الأخرى
.

4- *الإلتزام بعادة الشجاعة The discipline of Courage*
يقول رالف والدو إيمرسون : ( إفعل الأشياء التي تخاف من فعلها وسوف يموت الخوف الذي بداخلك )،إكتسب عادة أن تواجه مخاوفك بدلاً من أن تهرب منها.
ما هو الشيء الذي تخشى فعله بادر الى ممارسته وستكتشف ان الخوف اختفى


5- *الإلتزام بالعادات الصحية الممتازة Excellent Health Habits*
ضع لنفسك هدفاً أن تعيش حتى عمر 100 سنة بصحة جيدة.إبحث عن كل العادات التي يمكن أن تبقيك بصحة رائعة،وإعرف وتجنب كل العادات التي يمكن أن تجلب إليك المرض.

6- *الإلتزام بالتوفير المنتظم للمال والإستثمار Regular Saving & Investing*
ضع هدفاً لنفسك بالتخلص من كل ديونك إذا كان لديك،والحصول على الإستقلال المالي، والمفتاح في ذلك هو أن تكسب دائماً أكثر مما تصرف،وثانياً توفر دائماً 10 % مما تكسبه ثم تزيد النسبة سنوياً لتصبح 20 % ثم 30 % بشكل منتظم. يقول كليمنت ستون : ( إذا لم تستطع توفير المال فإن بذور العظمة ليست فيك !!).

7- *الإلتزام بعادة العمل الجاد The Discipline of Hard Work*
دائماً إحتفظ بسمعتك أمام زملائك بأنك عامل جاد وكادح (شغيل ) (شغل حراثة) (بتكرف كرف) ،يقول توماس جيفرسون : (كلما جهدت في عملك أكثر كلما صرت الأوفر حظاً).

8- *الإلتزام بعادة التعلم المستمر Continuous Education*
هناك قاعدة تقول أنه : لتكسب المزيد عليك بتعلم المزيد،بالنسبة للتعليم النظامي المفترض أن الدكتور يأخذ راتب أعلى من صاحب درجة الماستر والماستر أعلى من البكالوريوس.
وبالنسبة للتعليم غير النظامي،إحدى أجمل الأفكار أن تقرأ في مجالك من 30 إلى 60 دقيقة يومياً ،وهو ما يعادل كتاب أسبوعياً وهذا يعني حسابياً 50 كتاباً في السنة !! هذه وحدها قد تجعلك خبيراً رائعاً في مجالك وربما الأعلى أجراً في مهنتك.

9- *الإلتزام بعادة الإصرار على النجاح The Discipline of Persistence*
إن أكبر إختبار للإنضباط الذاتي هو عندما تصر على مواجهة كل العقبات،وتقود نفسك لإكمال جميع المهمات 100 % مهما كان شعورك.
يقولون إن الشجاعة تتكون من جزئين ،الأول منهما هي حين تبدأ أي عمل دون أي ضمانات للنجاح، والجزء الثاني هي الشجاعة في إكمال ما بدأته والإصرار على ذلك رغم شعورك بالتثبيط وأنك تريد الإستسلام.

في النهاية لابد أن تقتنع بفوائد الإنضباط الذاتي. لكي تسعى اليه
إذا نجحت في ذلك فسوف تحب نفسك وتحترمها اكثر،وسيزداد تقديرك الذاتي لذاتك وتتحسن صورتك أمام نفسك

تلخيص
احمد عبد الرحمن العرفج
عن.كتاب برايان ترايسي معجزه الانضباط الذاتي
" منقول"

 

 Image result for get off your comfort zone

 

 

Image result for ‫اخرج من   comfort zone‬‎

 

 

 

 

 

All Rights Reserved to JusticeDiwan®

JusticeDiwan® 2010-2017 ©